خدا کی تو ایسی عبادت کرونا
نبی مصطفی کی اطاعت کرونا
نمازوں کے پابند ہوجاؤ لوگو
نمازوں کے باہر تلاوت کرونا
اطباء کی باتیں دوائیں ہماری
دوائوں سے اپنی حفاظت کرونا
رہیں صاف کپڑے نہ ہو میل مٹی
بدن کی بھی اپنی نظافت کرونا
نہ تو گھر سے نکلو نہ گلیوں میں گھومو
کسی بھی طرح کی شرارت کرونا
الٰہی مٹادے ہماری خطائیں
خطا بن کے نکلے یہ حالت کرونا
الٰہی بنادے گناہوں کو نیکی
بدل جائے رحمت میں حالت کرونا
دعاگو ہے حافظ بہ نام محمد
رہے دور سب سے حرارت کرونا
۔۔۔۔۔۔۔۔۔۔۔۔۔۔۔۔۔۔۔۔۔۔۔
آواز: محمد جواد رضا
کلام:مفتی احمد میاں برکاتی
ریڈیو پاکستان حیدرآباد